Camiño Espiritual (Variante da Ría)
Cinco días entre mosteiros, viñedos de albariño e unha travesía en barco pola ría de Arousa seguindo a ruta Translatio, a que trouxo o corpo do Apóstolo a Galicia. O único vía crucis fluvial do mundo.
- 69,3 km
- 4 noites
- 5 etapas
Desde 276 € por persoa
Solicitar este camiñoO camiño
O Camiño Espiritual, ou Variante Espiritual do Camiño Portugués, é a ruta máis singular de todas: combina sendeirismo entre mosteiros e viñedos cunha travesía en barco que revive a Translatio, a viaxe por mar do corpo do apóstolo Santiago ata Galicia.
Desde Pontevedra, a ruta da Pedra e da Auga conduce ao mosteiro de Armenteira, e de alí báixase entre viñedos de albariño do val do Salnés ata a ría de Arousa.
En Vilagarcía embarcarás para remontar a ría e o río Ulla ata Padrón, seguindo o único vía crucis fluvial do mundo, xalonado por cruceiros de pedra nas beiras.
A última etapa percorre a pé o tramo final do Camiño Portugués ata o casco histórico de Santiago, Patrimonio da Humanidade.
Modalidades e prezos
Etapa a etapa
Día 1
Pontevedra
ChegadaChegada a Pontevedra, que presume dun dos cascos históricos mellor conservados de Galicia. Non marches sen visitar a igrexa da Peregrina, coa súa curiosa planta en forma de vieira.
Noite en Pontevedra
Día 2
Pontevedra → Armenteira
A pé21 km6 hEtapa de ascenso desde Pontevedra ata o mosteiro de Armenteira, xoia do císter fundada no século XII, seguindo sendeiros vinculados á ruta da Pedra e da Auga, entre muíños, regatos e bosque.
Día 3
Armenteira → Vilagarcía de Arousa
A pé24 km5,5 hDescenso entre os viñedos de albariño do val do Salnés ata alcanzar a ría de Arousa. A xornada remata en Vilagarcía de Arousa, fronte ao mar.
Día 4
Vilagarcía de Arousa → Padrón
En barco28 km3 hTravesía en barco pola ría de Arousa remontando o río Ulla, a mesma ruta Translatio que segundo a tradición seguiu o corpo do Apóstolo. É o único vía crucis fluvial do mundo, xalonado de cruceiros nas beiras.
Día 5
Padrón → Santiago de Compostela
A pé24,3 km6 hÚltima xornada a pé polo trazado final do Camiño Portugués, pasando polo santuario da Escravitude ata entrar no casco histórico de Santiago, Patrimonio da Humanidade.
Preguntas frecuentes
Cantos días e etapas necesito para facer o Camiño Francés desde Sarria?
Desde Sarria hai algo máis de 110 km ata Santiago, que se reparten habitualmente en 5 etapas de entre 20 e 25 km.
Nós organizámolo con noites de máis se prefires ir con calma. Na ficha de cada camiño verás o itinerario día a día coas distancias exactas.
Que tipo de calzado debo levar?
Botas ou zapatillas de trekking que xa teñas usadas. Estrear calzado no Camiño é a causa máis común de ampolas.
Non fai falta bota alta: en Galicia mólla igual, e o que importa é que o pé vaia cómodo e suxeito. Leva calcetíns técnicos sen costuras e dous pares por se un se molla.
Necesito adestrar antes de facer o Camiño?
Non fai falta estar en forma, pero chegar camiñado nótase moito.
Con saír a andar 1 ou 2 horas un par de días por semana durante o mes anterior abonda. Se podes, fai unha camiñada longa coa mochila e o calzado que vaias usar: é a mellor forma de descubrir a tempo que che rozа.
É un Camiño axeitado para principiantes ou persoas con pouca forma física?
Si. O tramo desde Sarria é o máis transitado e o máis preparado de todo o Camiño Francés, con vilas, bares e aloxamento cada poucos quilómetros.
Non hai tramos técnicos nin de montaña. As etapas son de 20-25 km por pistas e sendeiros, e sempre se poden acurtar. Se che preocupa o ritmo, escríbenos e axustámolo.
É seguro o Camiño Francés desde Sarria?
Si. É o tramo con máis peregrinos de toda a ruta, moi sinalizado e nunca lonxe dunha vila.
Rara vez camiñarás só aínda que vaias pola túa conta. As precaucións son as de calquera ruta a pé: levar auga, avisar se te desvías e non camiñar de noite.
Cal é a etapa máis dura do Camiño desde Sarria e pódese dividir?
As dúas que máis se notan son Sarria - Portomarín (uns 22 km, con subidas e baixadas continuas) e Portomarín - Palas de Rei (uns 25 km, a máis longa, cunha subida sostida ao principio).
As dúas pódense partir facendo noite nunha vila intermedia. Se prefires o itinerario máis repartido, dinolo ao reservar e montámolo así.
Que pasa se un día non podo rematar a etapa?
Non quedas tirado. Organizamos traslados e asistencia durante toda a ruta: se un día non podes seguir, chámasnos e lévamoste ata o aloxamento desa noite.
A túa equipaxe xa estará alí, porque viaxa á parte. Ao día seguinte decides se continúas ou tomas un día de descanso.
Teño que levar a mochila todo o día?
Non. Transportamos a túa mochila de aloxamento a aloxamento: déixala pola mañá e atópala ao chegar.
Só camiñas cunha mochila pequena de día, con auga, algo de comer, chuvasqueiro e o que precises polo camiño.
Que levo na mochila do día?
Auga, algo de comer, chuvasqueiro, protección solar, gorra e o móbil cargado. En Galicia pode chover en calquera época, así que o chuvasqueiro vai sempre aínda que saia o sol.
Engade tiritas ou apósitos para ampolas: non pesan nada e agradecerás levalos.
Podo facer o Camiño con nenos?
Si, e é unha experiencia estupenda en familia. O tramo desde Sarria non ten dificultade técnica e hai vilas a miúdo para parar.
A clave é acurtar as etapas e non marcarse horarios. Dinos as idades e montamos o itinerario con días máis suaves.
Hai que reservar con moita antelación?
En verán e Semana Santa convén reservar con meses de antelación: é o tramo con máis peregrinos e o aloxamento esgótase.
O resto do ano hai máis marxe, pero canto antes reserves, máis opcións terás de elixir o itinerario e os aloxamentos que mellor che encaixen.